Adel and Harm Wedding | Galagos

Adel en Harm was meer as bereid om modelle te speel toe ek ‘n shoot by Galagos, Oos van Pretoria, wou doen.  Dit was terloops ook waar die tweetjies meer as ‘n jaar terug getroud is en het al hul mooi herinneringe ook weer teruggebring. Ons beplan hierdie shoot nou al vir ‘n rukkie en nadat Adel my vertel het watter mooi details hulle op hul spesiale dag gehad het, het ek sommer dadelik gevra dat hul als moet saambring en ek was sommer mal daaroor.

Ilana van Cosmetiek, wat die middag saam my en my pa deurggery het, het Adel se grimering gedoen en weereens was dit foutloos.  Ek moet ook byvoeg dat sy ‘n wonderlike assistant ook gemaak het terwyl sy vir ons gewag het.  Dankie Ilana!

Ek is mal oor die dinamika tussen Adel en Harm – ek was saam met Harm op skool en daarmee saam is hy self ‘n goeie fotograaf, wat die druk net erger gemaak het – en alhoewel ek hom van skool af ken, was dit lekker om hom saam die liefde van sy lewe te sien. Hul rustigheid met mekaar en ‘n liefdevolle verstandhouding wat boekdele spreek. Ek beny dit! 

Geniet hulle foto’s saam met my en gee hulle sommer baie liefde!  Ek dink hulle verdien dit!

xxx