Bonita and Louis Wedding

Bonita en Louis kom al ‘n lang paadjie saam en nie net is hulle geseën met ‘n pragtige troudag nie, hulle is ook geseën met die twee mooiste blonde dogtertjies en ‘n pienkvoet oppad – wat ons deel van die troufoto’s gemaak het. 

Ons kon nie kla oor die weer nie, want die sonsondergangfoto’s met die skoon blou lug was iets asemrowends en Bonita en Louis het nie op hulle laat wag om dit vir my so maklik as moontlik te maak om ongelooflike mooi foto’s van hulle te kry nie –  en dit nog op ‘n rolbalbaan van alle dinge.  En ja, een van die ou omies wat op die baan langsaan gespeel het het ons duidelik laat verstaan dat ons eintlik oortree op daardie mooi gras :-S.

Al was daar sommer baie senuwees voor die tyd het Louis glad nie gesukkel om trou aan sy skoonheid te belowe nie.

Geniet hierdie foto’s saam met my!

xxx